თბილისის N37 საჯარო სკოლის მასწავლებლები სწავლებისას ხშირად მიმართავენ ისეთ კულტურულ გასვლით ღონისძიებას, როგორიცაა მუზეუმში ვიზიტი, რადგან აქტივობას მაღალი საგანმანათლებლო მნიშვნელობა აქვს - ეს ისეთი გამოცდილებაა, რასაც ვერ შეცვლის წიგნი თუ პრეზენტაცია. მუზეუმში მოსწავლეებს ეძლევათ შანსი, რეალურად იხილონ ის, რასაც წიგნში სწავლობენ.
ახლახან, სკოლის მე-7გ და მე-8გ კლასის მოსწავლეები ეწვივნენ ზაქარია ფალიაშვილის მემორიალურ სახლ-მუზეუმს, სადაც კიდევ ერთხელ გაეცნენ კომპოზიტორის ცხოვრებისა და შემოქმედების ამსახველ ინფორმაცის. მოისმინეს ნაწყვეტები კომპოზიტორის ცნობილი ოპერებიდან - „დაისი“ და „აბესალომ და ეთერი“, ასევე თავად შეასრულეს სახელმწიფო ჰიმნი.
მოსწავლეებს მუზეუმში ახლდნენ - კლასების დამრიგებელი თ.ჯოხაძე და მუსიკის მასწავლებელი თ.ბაღოშვილი.
იხილეთ ფოტოები:
