აფხაზეთის ა/რ ბიუჯეტში გაწერილია დევნილთა მიმართ სახელმწიფო სტრატეგიის განხორციელებისას ზემო აფხაზეთიდან იგპ-თა სოციალური უზრუნველყოფის პროგრამა, რომელიც ეხება უმუშევარ ან პენსიონერ პედაგოგებს.
დოკუმენტში აღნიშნულია, რომ პროგრამა ითვალისწინებს ზემო აფხაზეთიდან დევნილთა სოციალურად დაუცველი ოჯახების ოთხ წლამდე ბავშვებისთვის კვების პროდუქტებით და ჰიგიენის საგნებით ერთჯერადი დახმარების ვაუჩერის წესით დაფინანსებას; ასევე პენსიონერი და/ან უმუშევარი პედაგოგებისთვის ერთჯერად ფულად დახმარებას.
რაც შეეხება დახმარების გაცემის წესს, ოდენობას, ბენეფიციართა კატეგორიებსა და შერჩევის კრიტერიუმებს, ისინი განისაზღვრება აფხაზეთის ავტონომიური რესპუბლიკის მთავრობის ნორმატიული აქტით.
გარდა ამისა, დადგენილებაში განსაზღვრულია გალის რაიონის სკოლამდელი აღზრდისა და სახელოვნებო სკოლების პედაგოგთა და ადმინისტრაციულ-ტექნიკური პერსონალის ფინანსური დახმარება.
