
კასპის მუნიციპალიტეტის სოფელ წინარეხის საჯარო სკოლის მოსწავლეები საწრეო მუშაობის ფარგლებში მათემატიკაში ცოდნას იღრმავებენ.
სკოლაში უკვე აქტიურად მუშაობს მათემატიკის წრე - „მე და მათემატიკა“.
როგორც სკოლაში გვეუბნებიან, წრის მიზანია, რომ მათემატიკა მოსწავლეებისთვის გახდეს ცოცხალი და საინტერესო მეცნიერება.
პირველივე შეხვედრა მეტად საინტერესოდ წარიმართა.
„პირველ შეხვედრებზე განხილული საკითხები იყო:
1- საორგანიზაციო ნაწილი;
- ყველაფერი რიცხვებზე;
ვისაუბრეთ ყველაფერზე, რაც რიცხვებს ეხება, მოვიყვანეთ საინტერესო ფაქტები და დაკვირვებები.
2- ინფორმაციის მოძიება რიცხვებზე ინტერნეტში გაზეთის სტატიებისთვის.
ვისწავლეთ, როგორ მოვძებნოთ საინტერესოდ წარმოდგენილი ინფორმაცია რიცხვებზე ინტერნეტში და როგორ გამოვიყენოთ იგი სტატიების მოსამზადებლად. ასევე წარმოვადგინეთ უკვე მოძიებული და დამუშავებული მასალა“,- გვიყვებიან სკოლაში და მოსწავლეებს საწრეო მუშაობის ფარგლებში ბევრ საინტერესო აქტივობას ჰპირდებიან.