საქართველოს საპატრიარქოს წმ. თამარ მეფის სახელობის სკოლა-გიმნაზიაში, დირექტორისა და მისი მოადგილეების ჩართულობით, თვითმმართველობის შეკრება გაიმართა
20-11-2025
საქართველოს საპატრიარქოს წმიდა თამარ მეფის სახელობის სკოლა-გიმნაზიის მოსწავლეები სკოლის მართვის მნიშვნელოვანი პროცესების თანამონაწილეები არიან.
სკოლა-გიმნაზიაში, დირექციის მხარდაჭერით, მოსწავლეთა თვითმმართველობა წარმატებით მუშაობს.
ახლახან, გიმნაზიის მოსწავლეთა თვითმმართველობის შეკრება გაიმართა, რომელსაც თვითმმართველობის წევრებთან ერთად, გიმნაზიის დირექტორი, დეკანოზი მირიან სამხარაძე, დირექტორის მოადგილეები: სასწავლო პროცესების მენეჯერი - მზიური კოჩალიძე და კლასგარეშე მუშაობის მენეჯერი იოსებ აფაქიძე ესწრებოდნენ.
სხდომაზე განიხილეს თვითმმართველობის დებულებაში შესატანი ცვლილებები, დაამტკიცეს ახლადარჩეული წევრები მე - 7 კლასიდან, ასევე, განიხილეს განსახორციელებელი პროექტები და დასახეს სამომავლო გეგმები.
იხილეთ ფოტოები:
სკოლების სიახლეები
