17 ნოემბერი ქართული „პოეზიის მეფის“, ბგერების უბადლო მხატვრის, გენიალური - გალაკტიონ ტაბიძის დაბადების დღეა.
ცაგერის მუნიციპალიტეტის სოფელ დეხვირის საჯარო სკოლაში ქართული ენისა და ლიტერატურის მასწავლებლის - თამარ ჩაკვეტაძის ხელმძღვანელობით, გაიმართა მრავალფეროვანი აქტივობებით დატვირთული ღონისძიება, რომელიც დიდი პოეტის ხსოვნასა და შემოქმედებას მიეძღვნა
გაიმართა საინტერესო პრეზენტაცია, რომელიც ეხებოდა - „პოეზიის მეფის“ ცხოვრების რთულ გზას, ბავშვობიდან - უკვდაობისკენ!
ჩატარდა მინი-პოეზიის საღამო. განსაკუთრებულმა სითბომ და ემოციამ დაისადგურა დარბაზში, როდესაც მოსწავლეებმა წაიკითხეს გალაკტიონის შემოქმედებიდან მათთვის ძვირფასი და საყვარელი ლექსები („მე და ღამე“; „რომელი საათია?“ ; „მამული“; „დროშები ჩქარა“ და ა.შ.).
ღონისძიებას ლაიტმოტივად გასდევდა სიტყვები - „იმ ღამეს ჭყვიშთან ვერ დიოდა წყნარად რიონი,
თურმე, იმ ღამეს დაიბადა გალაკტიონი“.
„თითოეულმა სტრიქონმა კიდევ ერთხელ შეგვახსენა გალაკტიონის ჯადოსნური სიტყვის ძალა. ასევე მოვისმინეთ სხვადასხვა შემოქმედის პროფესიონალურად წაკითხული გალაკტიონის გენიალური პოეზია“,- ამბობენ სკოლაში და დასძენენ, რომ ძალიან საინტერესო და ემოციებით დატვირთული ღონისძიება გამოვიდა.
„მადლობა თითოეულ მონაწილეს ჩართულობისათვის, წარმატებებს გისურვებთ!“,- აღნიშნავენ სკოლაში.
იხილეთ ფოტოები:
