ყვარლის მუნიციპალიტეტის სოფელ წიწკანაანთსერის საჯარო სკოლაში ზღაპრული საშემოდგომო სურნელი დატრიალდა. 

სკოლაში ტრადიციული საშემოდგომო ფესტივალი გაიმართა. 

ღონისძებამ დაამტკიცა, რომ კახური შემოდგომა განსაკუთრებულად უხვი და ბარაქიანია - სკოლის ეზოში სეზონური ხილი გამოიფინა, მოდუღდა თათარა, მოსწავლეებმა ჩურჩხელები ამოავლეს. 

ფესტივალი მრავალფეროვანი და სახალისო აქტივობებით წარიმართა. მოსწავლეები ერთმანეთს შეეჯიბრნენ მხიარულ თამაშებში, იმღერეს, იცეკვეს და გადაიღეს სამახსოვრო ფოტოები.

იხილეთ ფოტოები: