დაბა ლენტეხის N2 საჯარო სკოლის პედაგოგები სწავლებისას საინტერესო მეთოდებსა და სტრატეგიებს მიმართავენ და მოსწავლეებს გაკვეთილებს უმრავალფეროვნებენ.
ახლახან, ქართული ენისა და ლიტერატურის მასწავლებელმა ანანო ბაქრაძემ VI კლასის მოსწავლეებთან ერთად საინტერესო აქტივობა დაგეგმა.
მოსწავლეები შემთხვევითობის პრინციპით დაიყვნენ სამ ჯგუფად (თითო ჯგუფში 2 მოსწავლე). თითოეულმა ჯგუფმა წარმოადგინა პრეზენტაციები ცნობილი ისტორიული პიროვნებების შესახებ (ბიძინა ჩოლოყაშვილი, შალვა და ელიზბარ ქსნის ერისთავები და შაჰ-აბასი).
აქტივობის მიზანი იყო:
1) ისტორიული პიროვნებებისა და მათი როლის უკეთ გაცნობა;
2) მოსწავლეებში გუნდური მუშაობისა და შემოქმედებითი უნარების განვითარება.
აქტივობა მოსწავლეებისთვის სასწავლო-შემეცნებითთან ერთად სახალისო აღმოჩნდა, მოსწავლეებმა ცნობილი ისტორიული პიროვნებების შესახებ ცოდნა გაიმდიდრეს.
იხილეთ ფოტოები:
