
მარტვილის N1 საჯარო სკოლაში გრძელდება პროექტი - „განათლება გვაძლევს თავისუფლებას“.
პროექტის ხელმძღვანელია რ. ჭედიშვილი. საგანმანათლებლო ინიციატივის დევიზი კი გახლავთ - „სწავლა ცოდნის თესლია, ცოდნა კი წარმატებისა“.
ახლახან, პროექტის ფარგლებში, სკოლაში ინტელექტუალური თამაშის - „რა? სად? როდის?“ შემოდგომის სესიის პირველი ტური გაიმართა.
როგორც სკოლაში გვეუბნებიან, მოსწავლეები დიდი ინტერესით ელოდნენ ამ დღეს.
პირველ ტურში მონაწილეობდნენ მე-9ა და მე-9ბ ; მე-10ა და მე-10ბ; და ასევე მეთერთმეტე კლასის მოსწავლეები.
მოსწავლეები ინტელექტუალურ შერკინებაში დიდი ენთუზიაზმით ჩაერთნენ და იაქტიურეს.
მეორე ტური გაიმართება ნოემბრის ბოლო პარასკევს.
პროექტის ხელმძღვანელი მადლობას უხდის დახმარებისთვის სკოლის მოსწავლეთა თვითმმართველობის წევრებს, მეთერთმეტე კლასის მოსწავლეებს - ელენე კორთხონჯიას და გიორგი ხურცილავას.
იხილეთ ფოტოები: