ადიგენის მუნიციპალიტეტის სოფელ გომაროს საჯარო სკოლაში წარმატებით ჩატარდა ტრადიციადქცეული „შემოდგომის ზეიმი“ წარმატებით ჩატარდა.
მოსწავლეებმა სტუმრებს წარუდგინეს თემატური ნომრები, თეატრალიზებული წარმოდგენები, სიმღერები და ნიჭიერებით შექმნილი შემოდგომის კომპოზიციები.
ეს დღე იყო ფერთა, მადლიერებისა და შემოქმედებითი შთაბეჭდილებების ნამდვილი ზეიმი, სადაც ერთმანეთს შეერწყა მოსწავლეთა ნიჭი, მშობლების თანადგომა და მასწავლებელთა შრომა.
ღონისძიებაზე წარმოდგენილი იყო:
- თემატური საშემოდგომო წარმოდგენები და თეატრალური ნომრები;
- მოსწავლეთა ხელნაკეთი ნამუშევრების გამოფენა;
- სეზონური ნაყოფის ფერად-ფერადი დეკორაციები;
- სიმღერები, ცეკვები და მხიარული თამაშები;
- ტრადიციულად ჩურჩხელების ამოვლება;
- პატარა შემოქმედთა ნიჭიერი შესრულებები;
- სახალისო სპორტული თამაშები.
ღონისძიების იდეის ავტორი: ნათია არსენაშვილი გახლავთ, მუსიკალურად გააფორმა - ჟუჟუნა კახაძემ, სპორტულ აქტივობებს კი ხელმძღვანელობდა პედაგოგი - ლევან ანძაველიძე.
„ჩვენს სკოლაში უამრავმა ფერადმა ემოციამ, ხალისმა და ბავშვების ნიჭიერებამ ერთად მოიყარა თავი“,- გვიყვებიან სკოლაში და ახარებთ მოსწავლეთა შემოქმედებითობა და პედაგოგთა საინეტრესო ინიციატივები.
„განსაკუთრებულ მადლობას ვუხდით ყველა კოლეგას, რომლებიც აქტიურად იყვნენ ჩართულნი სცენის, დეკორაციების და თითოეული დეტალის გალამაზებაში. თქვენი ერთობლივი ძალისხმევა ნამდვილად იგრძნობოდა და ეს დღე დღე განსაკუთრებულად იქცა.
მადლობას ვუხდით ყველა მოსწავლეს აქტიურობისთვის, მშობლებს მხარდაჭერისთვის და ჩვენს მასწავლებლებს დიდი შრომისა და გულისხმიერებისთვის.
ასეთი დღეები კიდევ ერთხელ გვახსენებს, თუ რა დიდი ძალაა ერთობა, საერთო საქმე და ბავშვების შემოქმედებითი სული“,- აღნიშნავენ სკოლაში.
იხილეთ ფოტოები:
