ჭიათურის მუნიციპალიტეტის სოფელ ითხვისის N2 საჯარო სკოლის მოსწავლეებისთვის შთამბეჭდავი სასწავლო-შემეცნებითი გასვლითი ტური მოეწყო.
სკოლის საბაზო და საშუალო საფეხურის მოსწავლეებმა ქართულისა (ინგა გამსახურდიშვილი, ლელა გაფრინდაშვილი) და ისტორიის (მაია ვეშაპიძის) მასწავლებლების ხელმძღვანელობით მოინახულეს ვანის არქეოლოგიური მუზეუმი, გალაკტიონისა და ტიციან ტაბიძის სახლ-მუზეუმები.
მოსწავლეებმა გაკვეთილებზე მიღებული ცოდნა გაიმდიდრეს მუზეუმში დაცული არტეფაქტების დათვალიერებით და აღფრთოვანებული დარჩნენ ვანის განძის ხილვით. ბავშვები კიდევ ერთხელ დარწმუნდნენ ჩვენი ქვეყნის უმდიდრესი და უძველესი წარსულის შესწავლის მნიშვნელობაში.
დიდი ინტერესით დაათვალიერეს დიდი პოეტების გალაკტიონისა და ტიციან ტაბიძის მშობლიური კერა. წაიკითხეს ლექსები, გადაიღეს სამახსოვრო ფოტოები.
შემოდგომის ეს მზიანი დღე დაუვიწყარ მოგონებად დარჩება მათ ცხოვრებაში.
