ხაშურის მუნიციპალიტეტის სოფელ ნაბახტევის საჯარო სკოლის დირექტორის - ელზა მაისურაძის ხედვით, მოსწავლის განვითარების უზრუნველსაყოფად აუცილებელია, რომ სკოლაში არსებობდეს მოსწავლეზე ორიენტირებული სასწავლო გარემო, პროფესიონალი და განვითარებაზე ორიენტირებული სასკოლო საზოგადოება, ადაპტირებული საგნობრივი სივრცეები და მაღალკვალიფიციური პედაგოგთა გუნდი. სწორედ ასეთ, მოსწავლის განვითარებაზე ორიენტირებულ სასწავლო გარემოს ქმნის ელზა მაისურაძე სკოლაში და მოსწავლის საუკეთესო ინტერესებიდან გამომდინარე ხელმძღვანელობს. 

სხვადასხვა საინტერესო საკითხზე etaloni.ge-ს ბლიც-კითხვებს ხაშურის მუნიციპალიტეტის სოფელ ნაბახტევის საჯარო სკოლის პედაგოგი ელზა მაისურაძე პასუხობს. 

- მოსწავლის განვითარებისთვის მნიშვნელოვანია, რომ სკოლაში იყოს...

- მოსწავლეზე ორიენტირებული სასწავლო გარემო, მოსწავლის განვითარებაზე ორიენტირებული სასკოლო საზოგადოება, ადაპტირებული სასწავლო გარემო და მაღალკვალიფიციურ პედაგოგთა გუნდი.

- სკოლის წარმატება იზომება იმით, თუ...

- სკოლის წარმატება იზომება მოსწავლეთა მიღწევებით.

- კოლექტივის თანადგომა საჭიროა, რადგან...

- სასკოლო საზოგადოებასთან ერთად დირექტორი ქმნის მოსწავლის განვითარებაზე ორიენტირებულ სასწავლო გარემოს.

- სკოლაში ყველაზე ფასეული ჩემთვის არის...

- ჩემს გუნდთან ერთად დავიცვა მოსწავლის საუკეთესო ინტერესები.

- როდესაც ვხედავ, რომ მოსწავლე მოტივირებულია, ვგრძნობ რომ...

-  ვგრძნობ მეტ პასუხისმგებლობას, ამ დროს ვფიქრობ, რომ პედაგოგთა გუნდს მეტი ყურადღება და დაკვირვება გვჭირდება, რადგან მოსწავლეს მოტივაცია შევუნარჩუნოთ და პირიქით, კიდევ უფრო ავუმაღლოთ.

- რთულ სიტუაციებში სამართლიანობის შენარჩუნება ნიშნავს...

-  ეფექტურ ლიდერობას.

- მომავალში ვისურვებდი, რომ ჩვენი სკოლა იყოს ადგილი, სადაც...

- სიხარულით მოვა ყველა მოსწავლე.