გოკიოს საჯარო სკოლის მოსწავლეები ბუნებაზე ზრუნვას დაწყებითი კლასებიდანვე სწავლობენ და საზოგადოებასაც გარემოს დაცვისკენ მოუწოდებენ
12-11-2025
ახალქალაქის მუნიციპალიტეტის სოფელ გოკიოს საჯარო სკოლის პედაგოგები მოსწავლეებს ბუნების დაცვასა და მოფრთხილებას დაწყებითი კლასებიდანვე ასწავლიან.
სწორედ მოსწავლეთა ეკოცნობიერების ამაღლებას მიეძღვნა ბილინგვური სწავლებისა და ქართულის, როგორც მეორე ენის მასწავლებლის - არეგნაზ ქალაშიანის ორგანიზებული აქტივობა.
აქტივობა თემაზე -„ბუნებაზე ზრუნვა“ არაფორმალური განათლების ფარგლებში მოეწყო და მასში ჩართულნი იყვნენ I-IV კლასების მოსწავლეები.
„ჩვენ ვისაუბრეთ და ვისწავლეთ რა შეიძლება და რა არ შეიძლება, ასევე რატომ უნდა ვიზრუნოთ ბუნებაზე“,- აღნიშნავს პედაგოგი და ახარებს მოსწავლეთა მონდომება და აქტიურობა.
იხილეთ ფოტო-ვიდეომასალა:
სკოლების სიახლეები
