კასპის მუნიციპალიტეტის სოფელ ქვემო ხანდაკის საჯარო სკოლის პედაგოგები მოსწავლეებს სასკოლო ცხოვრებას სხვადასხვა სასწავლო მეთოდებითა და აქტივობებით უმდიდრებენ.
აღსანიშნავია, პედაგოგ ლალი მურადაშვილის ხელმძღვანელობით ჩატარებული ინტეგრირებული გაკვეთილები და საშემოდგომო გამოფენა.
I- III- IV კლასის მოსწავლეებს ქართული ენის, ხელოვნებისა და მე და საზოგადოების ინტეგრირებით საინტერესო გაკვეთილები ჩაუტარდათ, რომლებიც საშემოდგომო გამოფენით დაგვირგვინდა.
მოსწავლეებმა იმუშავეს როგორც ინდივიდუალურად ისე წყვილებში - მათთვის სასწავლო პროცესი მეტად საინტერესო და სახალისო აღმოჩნდა.
„წყვილებში მუშაობა - სხვადასხვა კლასებს შორის, მოსწავლეებს ასწავლის თანამშრომლობას, საერთო მიზნის დასახვასა და მიღწევას მცირე მასშტაბით, უზრუნველყოფს ინკლუზიურ სწავლებას და ხელს უწყობს თანასწორობას.
გამოფენის მოწყობა კი - ავითარებს კრიტიკულ აზროვნებას, შემოქმედებითობას და კომუნიკაციის უნარებს“,- აღნიშნავენ სკოლაში და დასძენენ, რომ მდგრადი განვითარების მეოთხე მიზანი - ხარისხიანი განათლება და მეჩვიდმეტე მიზანი - პარტნიორობა მიზნების მისაღწევად ხორცშესხმულია.
იხილეთ ფოტოები:
