მუზეუმი ცოდნის თვალსაჩინო წყაროა და დიდი საგნმანათლებლო და კულტურული მნიშვნელობა აქვს, შესაბამისად სასწავლო პროცესის გამდიდრების მიზნით, ავთანდილ დეკანოიძის სახელობის ქალაქ ქუთაისის N32 საჯარო სკოლის პედაგოგები გასვლით ღონისძიებებს ხშირად მიმართავენ.
ახლახან, სკოლის IVა კლასის მოსწავლეები (კლასის დამრიგებელი - სოფო კვერნაძე) „მე და საზოგადოების“ მასწავლებლის - ნანა ყურუას ხელმძღვანელობით, სასწავლო-შემეცნებითი ვიზიტის ფარგლებში, ქუთაისის ფოტო-კინო მატიანეს მუზეუმს ესტუმრნენ. მოსწავლეები გაეცნენ მუზეუმში დაცულ საუკუნოვან ფოტოებს და ნივთებს.
მუზეუმში დაცულია 5000-მდე ფოტოსურათი, 300 000 ფოტონეგატივი და კინომასალა, სადაც ასახულია ქალაქ ქუთაისის ისტორია და თანამედროვეობა.
მოსწავლეები მუზეუმიდან ახალი ცოდნით, ინფორმაციითა და დაუვიწყარი შთაბეჭდილებებით დახუნძლულნი დაბრუნდნენ.
იხილეთ ფოტოები:
