აკადემიკოს ვიქტორ გუჩუას სახელობის წალენჯიხის მუნიციპალიტეტის ფახულანის თემის N1 საჯარო სკოლის პედაგოგები სწავლებისას სხვადასხვა სასწავლო მეთოდებს მიმართავენ და მოსწავლეებს გაკვეთილებს უმრავალფეროვნებენ.
აღსანიშნავია, მე-8 კლასში, მათემატიკისა და ისტორიის ინტეგრირებით ჩატარებული გაკვეთილი, რომელიც მეტად საინტერესოდ წარიმართა.
წელთაღრიცხვის სხვადასხვა სისტემების ურთიერთკავშირის აღსაქმელად, მე-8 კლასის მოსწავლეებმა შეძლეს ქორონიკონის მიხედვით წლების მოქცევებში გადაყვანა, გაშიფრეს ისტორიულ წყაროებში ქორონიკონით აღნიშნული თარიღები, ისაუბრეს ქართული ანბანის და ნუმერაციის ურთიერთკავშირზე.
სასწავლო პროცესი მოსწავლეებისთვის მეტად შემეცნებითი და ამასთანავე სახალისო აღმოჩნდა. მე-8 კლასელები აქტივობებში დიდი ინტერესით ჩაერთნენ და საკითხის შესახებ ცოდნა გაიმდიდრეს.
გაკვეთილს მასწავლებლები - სოფიო კიკორია და ხათუნა ფიფია ხელმძღვანელობდნენ.
იხილეთ ფოტოები:
