ჩოხატაურის მუნიციპალიტეტის სოფელ იანეულის საჯარო სკოლაში მეტად საინტერესო სასწავლო პროცესი მიმდინარეობს. პედაგოგები სწავლებისას სხვადასხვა სასწავლო მეთოდებს მიმართავენ.
ახლახან, სკოლაში ჩატარდა ინტეგრირებული გაკვეთილი - მე და საზოგადოებასა და ფიზიკურ აღზრდაში.
გაკვეთილის თემა იყო - „ჩვენ გვიყვარს სპორტი“.
ბავშვები გაეცნენ ძველ და ახალ თამაშებს და აღნიშნეს, რომ კარგი იქნება თუ მივიწყებული თამაშები აღდგება, რაც ხელს შეუწყობს ჯანსაღი ცხოვრების წესის დამკვიდრებასა და წახალისებას.
მოსწავლეებისთვის გაკვეთილი სასწავლო-შემეცნებითთან ერთად სახალისო და თავშესაქცევი აღმოჩნდა.
სასწავლო პროცესს მასწავლებლები - ნანა ცინცაძე და ზვიად კეკელიძე ხელმძღვანელობდნენ.
იხილეთ ფოტოები: