ვაჟა-ფშაველას სახელობის ქალაქ რუსთავის N23 საჯარო სკოლის 1-ელიბ კლასის მოსწავლეებისთვის (პედაგოგი ლალი სესიტაშვილი) განსაკუთრებულად ამაღელვებელი დღე იყო - მათ დაიწყეს ქართული ანბანის შესწავლა.
პატარები დიდი სიხარულით, ინტერესითა და საოცარი მონდომებით ჩაებნენ თავიანთ პირველ დიდ სასწავლო მოგზაურობაში და სიხარულით შეაბიჯეს წიგნიერების სამყაროში, სადაც მეგზურობას პედაგოგი ლალი სესიტაშვილი გაიწევს. ღონისძიებაზე მათ თბილად წაიკითხეს ლექსები, იმღერეს, ითამაშეს.
მასწავლებელი ამაყად აღნიშნავს, რომ ბავშვები დიდი პასუხისმგებლობით ეკიდებიან სწავლას და უკვე იგრძნობა მათი შემოქმედებითი ინტერესისა და უნარების გაღვივება.
„მადლობას ვუხდით მშობლებს მუდმივი მხარდაჭერის, ნდობისა და ერთად გაზიარებული სიხარულისთვის. ჩვენს პატარა პირველკლასელებს წინ ახალი აღმოჩენები და დაუვიწყარი სკოლის დღეები ელოდება. დავულოცოთ გზა პატარებს ამ დიდ მოგზაურობაში“,- აღნიშნავს პედაგოგი.
იხილეთ ფოტოები:
