საქართველოს საპატრიარქოს წმიდა თამარ მეფის სახელობის სკოლა-გიმნაზიის მოსწავლეებმა მერაბ კოსტავას ცხოვრებასა და მოღვაწეობას პროექტი მიუძღვნეს
05-11-2025
საქართველოს საპატრიარქოს წმიდა თამარ მეფის სახელობის სკოლა-გიმნაზიის მოსწავლეები პატრიოტული სულისკვეთებით იზრდებიან.
ახლახან, სკოლა-გიმნაზიის მე-10 კლასის მოსწავლეებმა იმუშავეს პროექტზე - „ჯიუტი მგზავრი“, რომელიც მერაბ კოსტავას ცხოვრებასა და მოღვაწეობას, მის ნათელ ხსოვნას მიეძღვნა.
პროექტის ფარგლებში ბავშვებმა განახორციელეს რამდენიმე აქტივობა: მოიძიეს მასალები, ნახეს ვიდეო-ფილმები, ააწყვეს პრეზენტაცია, შექმნეს მერაბ კოსტავას პორტრეტი.
ასევე, შედგა ინტერვიუ, გიმნაზიის დირექტორთან დეკანოზ მამა მირიან (ნოდარ) სამხარაძესთან, კიდევ ერთხელ გაიხსენეს მერაბ კოსტავა და ეროვნული მოძრაობის დასაწყისი, ეწვივნენ განახლებულ სახლ-მუზეუმს.
პროექტი მოსწავლეებისთვის მეტად საინტერესო და სასწავლო-შემეცნებითი აღმოჩნდა.
იხილეთ ფოტოები:
სკოლების სიახლეები
