ჩოხატაურის მუნიციპალიტეტის სოფელ ერკეთის საჯარო სკოლის ზუსტი და საბუნებისმეტყველო მეცნიერებათა კათედრის ორგანიზებით, მათემატიკის კვირეული იმართება.

როგორც სკოლაში გვეუბნებიან, კვირეული ემსახურება მათემატიკური ცნობიერების გაზრდას, თამაშ-თამაშით, ერთი შეხედვით მარტივი ხრიკებით იმ მათემატიკური უნარების განვითარებას, რომელიც თანამედროვე საზოგადოების წევრს გამოადგება როგორც სასკოლო მასალის ათვისება-განმტკიცებაში, ასევე ყოველდღიურ ცხოვრებაში.  

კვირეულის ფარგლებში მოსწავლეებმა განახორციელეს არაერთი საინტერესო აქტივობა.

• შექმნეს საკუთარი პატარა ზღაპრები, სადაც გმირებმა პრობლემა მათემატიკურად უნდა გადაჭრან;
• საინტერესოა აქტივობა - ყოველდღიურ ცხოვრებაში რიცხვების დანახვა - სად ცხოვრობენ რიცხვები? (მაღაზიაში, ტრანსპორტში, თამაშებში და სხვ.);
• საბიუჯეტო თამაში – ჩემი კვირის ხარჯვა;
•  მათემატიკური დღიური – კვირის განმავლობაში მოსწავლეები წერენ საკუთარ დამოკიდებულებას, რაც ისწავლეს;
• მათემატიკის კედელი – მოსწავლეების ნახატები, გრაფიკები, საყვარელი რიცხვები, ციტატები მათემატიკოსებისგან;
• მათემატიკური ბინგო– მოსწავლეებს ეძლევათ ბარათები და მოსმენის მიხედვით პოულობენ სწორ პასუხებს.

კვირეული დასრულდება ვიქტორინით, რომელშიც ჩაერთვებიან მშობლებიც.