საჩხერის მუნიციპალიტეტის სოფელ პერევის საჯარო სკოლაში ძუძუს კიბოს შესახებ სასკოლო საზოგადოების ცნობიერების ამაღლების მიზნით საინტერესო ღონისძიება გაიმართა.
სკოლის მე-8 კლასის მოსწავლეებმა, მშობლების ჩართულობით, წარმოადგინეს პროექტის პრეზენტაცია თემაზე - „ვარდისფერი იმედი“, რომელიც, ტრადიციულად, „ვარდისფერი ოქტომბრის“ კამპანიის ფარგლებში გაიმართა.
პროექტის მიზანი იყო:
- ძუძუს კიბოს თემაზე ცნობიერების ამაღლება საზოგადოებაში;
- პრევენციული ღონისძიებების მნიშვნელობის ხაზგასმა;
- ჯანსაღი ცხოვრების წესის პოპულარიზაცია;
- მშობელთა და მოსწავლეთა თანამშრომლობის ხელშეწყობა საერთო მიზნისთვის;
- ემპათიისა და თანადგომის კულტურის გაძლიერება.
პროექტის ფარგლებში მოსწავლეებმა მოამზადეს საინფორმაციო ბროშურები, ასევე საკუთარი ხელით დაამზადეს ვარდისფერი ბაფთები - როგორც კამპანიის მთავარი სიმბოლო. პრეზენტაციაზე მოსწავლეებმა ისაუბრეს ძუძუს კიბოს გამომწვევ მიზეზებზე, სიმპტომებსა და პრევენციის გზებზე.
ღონისძიების დასასრულს მშობლებმა მონაწილეობა მიიღეს Kahoot-ის ტესტში, სადაც გამოვლინდა გამარჯვებული მშობელი. სიმბოლურად მას გადაეცა ვარდისფერი ბაფთა - მხარდაჭერისა და იმედის ნიშანი.
პროექტის ხელმძღვანელი პროექტში ჩართულო მოსწავლეებსა და მათ მშობლებს მადლობას უხდის.
„განსაკუთრებული მადლობა მინდა გადავუხადო მე-8 კლასის მშობლებს პროექტში აქტიური ჩართულობისა და მხარდაჭერისთვის.
გისურვებთ ჯანმრთელობასა და სიძლიერეს!“,- აღნიშნავს პედაგოგი.
იხილეთ ფოტოები:
