თბილისის N28 სკოლის მოსწავლეებისთვის დღის ცენტში, შშმ პირთა შესახებ ცნობიერების ამაღლების მიზნით, ლექცია-დიალოგი გაიმართა
31-10-2025
თბილისის N28 სკოლის მოსწავლეები პროექტის - „შშმ ადამიანების შესაძლებლობების პოპულარიზაცია და ინკლუზია კულტურის გზით“ ფარგლებში, დღის ცენტრს „ანიკას“ ესტუმრნენ.
პროექტს - „შშმ ადამიანების შესაძლებლობების პოპულარიზაცია და ინკლუზია კულტურის გზით“, ასოციაცია „ანიკა“ საქართველოს კულტურის სამინისტროს მხარდაჭერით ახორციელებს.
როგორც სკოლაში გვეუბნებიან, პროექტის მიზანია:
- შეზღუდული შესაძლებლობის მქონე პირთა შემოქმედებითი უნარების განვითარება და წარმოჩენა;
- კულტურულ ცხოვრებაში მათი ჩართულობისა და თანაბარი შესაძლებლობების შექმნა;
- ინკლუზიური სახელოვნებო აქტივობების ხელმისაწვდომობის უზრუნველყოფა;
- შემოქმედების გზით დამოუკიდებელი ცხოვრების უნარების განვითარება.
პროექტის ფარგლებში გაიმართა ლექცია-დიალოგი, რომლის მიზანი იყო შშმ პირთა შესახებ საზოგადოების ცნობიერების ამაღლება, ტერმინების სწორი გამოყენება და ადამიანებისადმი პატივისცემის კულტურის გაძლიერება.
პროექტს მოსწავლეები პედაგოგების - ასმათ იობაშვილისა და ქეთევან დავითაშვილის თაოსნობით შეუერთდნენ.
იხილეთ ფოტოები:
სკოლების სიახლეები
