საინტერესო ინიციატივა მაკვანეთის საჯარო სკოლაში - მოსწავლე-მასწავლებლებისთვის მრავალფუნქციური ბიბლიოთეკის შესახებ პრეზენტაცია გაიმართა
31-10-2025
არტემ ერქომაიშვილის სახელობის ოზურგეთის მუნიციპალიტეტის სოფელ მაკვანეთის საჯარო სკოლაში მოსწავლეთა წიგნიერების დონის ამაღლებას მნიშვნელოვანი ყურადღება ექცევა.
ახლახან, სკოლაში ჩატარდა პრეზენტაცია მრავალფუნქციურ და შემოქმედებით ბიბლიოთეკაზე - „წიგნის აკვანი“.
პრეზენტაცია წარადგინა ქეთევან ქორიძემ, რომელმაც სკოლის მოსწავლეებსა და მასწავლებლებს გააცნო თავისი ინიციატივა და ისაუბრა:
- როგორ დაიბადა ბიბლიოთეკის იდეა „წიგნის აკვანი“;
- რა ცვლილებებს მოიტანს ის სკოლისთვის და მოსწავლეებისთვის;
- როგორ შეგვიძლია ერთად გავხადოთ ბიბლიოთეკა შემოქმედებისა და შთაგონების ადგილი;
- რა აქტივობები იგეგმება სამომავლოდ ბიბლიოთეკაში.
„დიდი ცვლილებები პატარა იდეებით იწყება“, - აღნიშნავენ სკოლაში, სადაც ყოველთვის მხარს უჭერენ საინტერესო საგანმანთლებლო ინიციატივებს.
იხილეთ ფოტოები:
სკოლების სიახლეები
