
27 ოქტომბერს, საქართველოში იაკობ გოგებაშვილის დაბადების დღე და მასწავლებლის ეროვნული დღე აღინიშნება. ეს გამორჩეული თარიღი ოზურგეთის მუნიციპალიტეტის სოფელ ხრიალეთის საჯარო სკოლის მოსწავლეებმა საინტერესოდ აღნიშნეს.
lll - lV კლასების მოსწავლეებმა ვიდეორგოლი ჩაწერეს, სადაც ქართველი პედაგოგის, პუბლიცისტის, საბავშვო მწერლისა და საზოგადო მოღვაწის ცხოვრებასა და მოღვაწეობას ხოტბა შეასხეს და მადლობა გადაუხადეს იმ საგანძურისთვის - რასაც „დედაენა“ ჰქვია.
„გმადლობ, რომ გვასწავლე კარგის და ცუდის გარჩევა“, - ამბობენ მოსწავლეები და ნათლად აცნობიერებენ იაკობ გოგებაშვილის როლს საქართველოში წიგნიერების გავრცელებაში.
27 ოქტომბერს, ქართული მეცნიერული პედაგოგიკის ფუძემდებლის, იაკობ გოგებაშვილის, დაბადებიდან 185 წელი გავიდა. იაკობ გოგებაშვილი - საბავშვო მწერალი, პუბლიცისტი, მეცნიერული პედაგოგიკის ფუძემდებელი 1840 წლის 27 ოქტომბერს დაიბადა.
იხილეთ ვიდეო