ნინოწმინდის მუნიციპალიტეტის სოფელ უჩმანის საჯარო სკოლაში მასწავლებლის ეროვნული დღე აღინიშნა.
მოსწავლეებმა მასწავლებლებს პროფესიული დღესასწაული ღონისძიებით მიულოცეს.
ღონისძიებას ორგანიზება გაუწიეს მასწავლებლებმა - მარიამ ჯვარიძემ, ჟენია თუმასიანმა, მალვინა ამირხანიანმა და ჰასმიკ დუმოიანმა.
მოსწავლეები დამსწრე საზოგადოების წინაშე მრავალფეროვანი საზეიმო სანახაობით წარდგნენ - ხოტბა შეასხეს პედაგოგთა როლსა და ამაგს და საყვარელ მასწავლებლებს სიყვარული და პატივისცემა დაუდასტურეს.
მოსწავლეებმა მასწავლებლებს დაუვიწყარი წუთები და ემოციები აჩუქეს.
მასწავლებლის ეროვნული დღე ყოველ წელს ქართველი პედაგოგის, მეცნიერული პედაგოგიკის ფუძემდებლის, პუბლიცისტის, საბავშვო მწერლისა და საზოგადო მოღვაწის, იაკობ გოგებაშვილის დაბადების დღეს, 27 ოქტომბერს აღინიშნება.
იხილეთ ფოტოები:
