27 ოქტომბერს, საქართველოში იაკობ გოგებაშვილის დაბადების დღე და მასწავლებლის ეროვნული დღე აღინიშნება. ამ გამორჩეულ თარიღს ჭიათურის მუნიციპალიტეტის სოფელ ტყემლოვანის საჯარო სკოლაში ღონისძიება მიეძღვნა.
მოსწავლეები სასკოლო საზოგადოების წინაშე ლამაზი საზეიმო სანახაობით წარდნენ - ხოტბა შეასხეს იაკობ გოგებაშვილის ცხოვრებასა და მოღვაწეობას, აქეს და ადიდეს მისი შექმნილი დედა ენა და აღნიშნეს მისი ღვაწლი წიგნიერების გავრცელებაში.
დიდი პედაგოგის დაბადების დღეს, ბავშვებმა საყვარელ მასწავლებლებს პროფესიული დღესასწაულიც მიულოცეს სიყვარული და პატივისცემა შემოქმედებით დაუდასტურეს.
მასწავლებლის ეროვნული დღე ქართველი პედაგოგის, მეცნიერული პედაგოგიკის ფუძემდებლის, პუბლიცისტის, საბავშვო მწერლისა და საზოგადო მოღვაწის, იაკობ გოგებაშვილის დაბადების დღეს, 27 ოქტომბერს 2023 წლიდან აღინიშნება. წელს იაკობ გოგებაშვილის დაბადებიდან 185 წელი გავიდა.
იხილეთ ფოტოები:
