განძის N2 საჯარო სკოლის პირველკლასელთა მოგზაურობა ანბანის ჯადოსნურ სამყაროში საზეიმოდ დაიწყო
29-10-2025
ნინოწმინდის მუნიციპალიტეტის სოფელ განძის N2 საჯარო სკოლის მოსწავლეებმა ანბანის სწავლა საზეიმოდ დაიწყეს.
პედაგოგი მანანა კირკიტაძე მოსწავლეებს „ანბანეთში“ დიდი სიყვარულით შეუძღვა და თვალციმციმა პირველკლასელებს მრავალფეროვანი - როგორც სასწავლო-შემეცნებითი, ისე სახალისო და საზეიმო აქტივობები შესთავაზა.
„იმ პირველ ემოციებზე ვესაუბრე პატარა გოგო-ბიჭებს, რაც იაკობმა იგრძნო ანბანის დასაწყისის, აღმოჩენისას. იისფრად გაფორმებული საკლასო ოთახიც იის სურნელს აფრქვევდა თითქოს! დაე, ჩვენმა პირველკლასელებმა გულწრფელად შეიმეცნონ იაკობის დიდი მიზანი სწავლითა და განათლებით გააბრწყინონ ჩვენი სამშობლო!“,- აღნიშნავს მასწავლებელი და მოსწავლეებს საინტერესო საგანმანათლებლო თავგადასავალს ჰპირდება.
იხილეთ ფოტოები:
სკოლების სიახლეები
