ნინოწმინდის მუნიციპალიტეტის სოფელ გორელოვკის N3 საჯარო სკოლის მოსწავლეებისთვის სასწავლო პროცესი შემეცნებითი თავგადასავალია. პედაგოგები სწავლებისას სხვადასხვა სასწავლო მეთოდებსა და სტრატეგიებს იყენებენ და მოსწავლეებს გაკვეთილებს უმრავალფეროვნებენ.
აღსანიშნავია, მე-3 კლასელთა სახალისო გაკვეთილი, რომელიც როლური თამაშის გამოყენებით წარიმართა. ამჟამად, მოსწავლეები საპროგრამო მასალით „პინოქიოს თავგადასავალს“ გადიან. ბავშვებმა ერთ-ერთი თავი შეისწავლეს, ტექსტის გაცნობის შემდეგ კი მთავარი გმირის როლი მოირგეს და ცუდისა და კარგის გასარჩევად რჩევებიც არ დაიშურეს.
„მოთხრობის - „პინოქიოს თავგადასავლის“ ერთ-ერთი მთავარი მისიაა კეთილშობილური ღირებულებების, პასუხისმგებლობისა და თვითშეფასების უნარის ჩამოყალიბება ბავშვის ცნობიერებაში“,- აღნიშნავენ სკოლაში და მოსწავლეებს სწორედ ამ ღირებულებებზე ღირებულებებზე ზრდიან.
