დაბა მესტიის N3 საჯარო სკოლის პირველკლასელებმა ანბანის სწავლა ღონისძიებით დაიწყეს
30-10-2025
დაბა მესტიის N3 საჯარო სკოლის პირველკლასელთა მოგზაურობა წიგნიერების სამყაროში საზეიმოდ დაიწყო.
პედაგოგმა მოსწავლეთა მოტივაციასა და განწყობაზე იზრუნა და პატარებს საანბანო პერიოდის დაწყება დღესასწაულად უქცია.
სკოლაში გაიმართა ულამაზესი ღონისძიება - „ანბანის შემობრძანება“. მოსწავლეებმა მოისმინეს ქართული ანბანის ისტორია, გაიგეს როგორ შეიქმნა ჩვენი უნიკალური დამწერლობა და რა მნიშვნელობა აქვს მას ჩვენი კულტურისთვის.
მოსწავლეებმა მოისმინეს ჰიმნი და საინტერესო სცენარიც გაითამაშეს.
მოსწავლეებმა ნათლად გაიაზრეს, რომ ჩვენი ანბანი - ჩვენი იდენტობა, ჩვენი სიამაყეა და დედაენის სიტკბოებას ხალისით დაეწაფნენ.
იხილეთ ვიდეო
სკოლების სიახლეები
