ცოდნისკარის საჯარო სკოლის მე-3 კლასელებმა საყვარელ მასწავლებელს პროფესიული დღესასწაული ორიგინალურად მიულოცეს
28-10-2025
27 ოქტომბერს, საქართველოში იაკობ გოგებაშვილის დაბადების დღე და მასწავლებლის ეროვნული დღე აღინიშნება. ეს გამორჩეული თარიღი ლაგოდეხის მუნიციპალიტეტის სოფელ ცოდნისკარის საჯარო სკოლის მე-3 კლასელებმა საყვარელ მასწავლებელს - ცისანა ბოლაშვილს დიდი სიყვარულით მიულოცეს.
მოსწავლეებმა პედაგოგს პატივისცემა ორიგინალურად დაუდასტურეს, მათ ვიდეო ჩაწერეს, სადაც პირველ მასწავლებელს პროფესიულ დღესასწაულს ულოცავენ და მადლობას უხდიან მათ განათლებაში ჩადებული შრომისა და ამაგისთვის.
„მადლობა, სითბოსთვის, ზრუნვისთვის, სიყვარულისთვის, მოთმინებისთვის, ძალიან გვიყვარხართ“, - აღნიშნავენ მოსწავლეები ვიდეორგოლში, რომელსაც სკოლა გვიზიარებს.
იხილეთ ვიდეო:
სკოლების სიახლეები
