მარტვილის მუნიციპალიტეტის სოფელ დიდი ჭყონის N1 საჯარო სკოლის პირველკლასელებმა ანბანის სწავლა დაიწყეს.
პირველი ნაბიჯი წიგნიერების ჯადოსნურ სამყაროში მოსწავლეებისთვის, ტრადიციულად, დღესასწაულად იქცა. „ანბანეთში“ პატარებს მზრუნველი და მოსიყვარულე პირველი მასწავლებელი ნატო ნანავა შეუძღვა.
„აი ია“ ქართული სიტყვიერების პირველი სხივია პატარებისთვის, შესაბამისად, კლაში „ანბანის შემობრძანება“ განსაკუთრებულად თბილ და ემოციურ ატმოსფეროში გაიმართა. პედაგოგმა მოსწავლეთა მოტივაციაზე იზრუნა და ბავშვებს მრავალფეროვანი სახალისო აქტივობები შესთავაზა.
„წიგნიერების ჯადოსნური სამყაროში შებიჯება ასეთი ხალისიანი და ბედნიერებით სავსე დღე აღმოჩნდა პირველკლასელებისთვის“,- გვეუბნებიან სკოლაში და ბავშვებს საინტერესო საგანმანათლებლო თავგადასავალს ჰპირდებიან.
საზეიმო გაკვეთილს ესწრებოდა სასწავლო ნაწილის გამგე ნინო სურმავა.
იხილეთ ვიდეო:
