გიორგი ჭყონდიდელის სახელობის ქალაქ ფოთის N7 საჯარო სკოლაში სასწავლო პროცესი გაჯერებულია საინტერესო საგანმანათლებლო ინიციატივებით, აქტივობებითა თუ პროექტებით.
ამჟამად, ქართული ენისა და ლიტერატურის მასწავლებლის - დარეჯან ინჯგიას ინიციატივით, მე-10 კლასში ხორციელდება პროექტი - „ლოცვით დაწერილი ისტორია“.
პროექტის ფარგლებში, ქალაქის ახალგაზრდულ ჰაბში, ქართული დამწერლობის ისტორიაზე გაიმართა საინტერესო პრეზენტაციები სახელწოდებით - „33 საუფლო სიტყვა“.
„ახალგაზრდებისთვის საგანგებოდ შექმნილ ახალ სივრცეში, რომელიც ადრინდელ ცოდვიან ისტორიებს ინახავს, დღეს საგალობლები ახმიანდა... იქნებ შემთხვევით არაფერი ხდება... პროექტი გრძელდება...“,- აღნიშნავს პროექტის ხელმძღვანელი და, პროექტის ფარგლებში, მოსწავლეებს კიდევ არაერთ საინტერესო აქტივობას ჰპირდება.
იხილეთ ფოტოები:
