ვანის N2 საჯარო სკოლის მოსწავლეები ბუნებისმეტყველების გაკვეთილზე მეცნიერებად გადაიქცნენ
24-10-2025
გალაკტიონ ტაბიძის სახელობის ქალაქ ვანის N2 საჯარო სკოლის მოსწავლეებმა ბუნებისმეტყველების გაკვეთილზე საგნების სამყაროში იმოგზაურეს და პატარა მკვლევარები ნამდვილ მეცნიერებად გადაიქცნენ.
სასწავლო პროცესის თემა იყო - საგნების დაჯგუფება და კლასიფიცირება.
გაკვეთილი მეტად საინტერესოდ წარიმართა და დაკვირვება, აზროვნება და შემოქმედება ერთ მთლიანობად იქცა.
მოსწავლეებმა საკუთარი თვალით ნახეს, როგორ შეიძლება ჩვეულებრივი ღილები გადაიქცეს ცოდნის წყაროდ. ფერით, ფორმითა და ზომით გაანაწილეს, შექმნეს ულამაზესი პრეზენტაციები.
„ჩვენ ერთად ვისწავლეთ, რომ დაჯგუფება არა მხოლოდ წესრიგის, არამედ აზროვნების ხელოვნებაა“,- აღნიშნავს მასწავლებელი და მოსწავლეებს კიდევ არაერთ შთამბეჭდავ გაკვეთილს ჰპირდება.
იხილეთ ფოტოები:
სკოლების სიახლეები
