თბილისის N106 საჯარო სკოლის მოსწავლეებმა ფიზიკა-მათემატიკის სკოლის „კოლაბორაციის კლუბს“ უმასპინძლეს
23-10-2025
ზურაბ იარაჯულის სახელობის ქალაქ თბილისის N106 საჯარო სკოლას ვლადიმირ კომაროვის თბილისის ფიზიკა-მათემატიკის 199 საჯარო სკოლის „კოლაბორაციის კლუბი“ ესტუმრა, მათემატიკის მასწავლებლების - ქეთევან აბსავასა და თამარ ჩოკოშვილის ორგანიზატორობით.
მე-8-მე-9 კლასის მოსწავლეებს ჰქონდათ შესაძლებლობა შეხვედროდნენ წარმატებულ „კომაროველებს“, რომლებმაც მათ გაუზიარეს საკუთარი გამოცდილება და წარმატების გზა. ღონისძიების მიზანი იყო: სწავლისადმი მოტივაციის ამაღლება, ლოგიკური აზროვნების გაღრმავება.
შეხვედრის ფარგლებში, ჩატარდა მათემატიკური ოლიმპიადა, სადაც მონაწილეებმა გამოცადეს თავიანთი ცოდნა და გონებრივი შესაძლებლობები.
ღონისძიების ბოლოს, გამარჯვებულებს გადაეცათ სერტიფიკატები, სხვადასხვა ნომინაციაში.
იხილეთ ფოტოები:
სკოლების სიახლეები
