11 წლიან სწავლებაზე გადასვლის შესახებ ინფორმაციის გაჟღერებისა და უმაღლესი განათლების ახალი კონცეფციის გაგების შემდგომ არაერთი კითხვა გაჩნდა საზოგადოებაში, მათ შორის ერთ-ერთია შეიცვლება თუ რა უნივერსიტეტში ჩაბარების წინაპირობა და გაუქმდება თუ არა ერთიანი ეროვნული გამოცდები - განათლების მინისტრის, გივი მიქანაძის თქმით, საზოგადოებას ერთიანი ეროვნული გამოცდების მიმართ მაღალი სანდოობა აქვს და მისი გაუქმება ამ ეტაპზე არ განიხილება.
„შესაბამისად, ამ ეტაპზე საკითხი, რომ ეროვნული გამოცდები გადაიხედება და რამე სხვა გამოცდები ჩაანაცვლებს, დღის წესრიგშიც კი არ დგას. ჩვენ ჩვეულებრივად ვაგრძელებთ იმ სისტემით ახალგაზრდების ცოდნის გამომჟღავნების შესაძლებლობის მიცემას, რასაც ეროვნული გამოცდები იძლევა. წლევანდელმა წელმაც დაადასტურა, რომ საკმაოდ მაღალი სტანდარტით ჩატარდა ეროვნული გამოცდები“, – განაცხადა მიქანაძემ სატელევიზიო ეთერში საუბრისას.
„დაწყებულია მუშაობა, რომ სასკოლო განათლება 12-წლიანი სწავლებიდან გადავიდეს 11-წლიან სწავლებაზე“
