ცხოვრების ჯანსაღი წესის პოპულარიზაცია, გონებრივი, სულიერი და ფიზიკური აღზრდის გზით ჰარმონიულად განვითარებული პიროვნების ფორმირება, სპორტული ტრადიციების დაცვა, გაღრმავება, თაობათა შორის მემკვიდრეობითობის უწყვეტობა ლენტეხის მუნიციპალიტეტის, რცხმელურის საჯარო სკოლის კონცეფციის ერთ-ერთი მთავარი პრიორიტეტია.

გარდა იმისა, რომ სკოლაში მოსწავლეები იღებენ საფუძვლიან განათლებას, პედაგოგები მაქსიმალურად ცდილობენ ბავშვების ხელშეწყობას სპორტის მიმართულებით, რაც საბოლოოდ სხავდასხვა აქტივობაში მიღწეულ შედეგებზეც აისახება.

ახლახან თბილისში ძიუდოს აკადემიაში ჩატარდა მეოთხე სარეიტინგო საქართველოს ჩემპიონატი 2011-2012 წლებში დაბადებულ სპორტსმენთა შორის.

ჩემპიონატში მონაწილეობა მიიღოს რცხმელურის საჯარო სკოლის მოსწავლემ გიორგი გიგანმა, რომელმაც 6 შეხვედრა და ძიურდოს ფედერაციის მიერ დაწესებული პრიზიც დაიმსახურა.

„ჩემპიონატში ჩვენი სკოლის მოსწავლე გიორგი გიგანი მონაწილეობდა. მან 6 შეხვედრა მოიგო და დაჯილდოვდა საქართველოს ძიუდოს ეროვნული ფედერაციის მიერ დაწესებული პრიზით. გიორგი წლებია გვახარებს ძიუდოში თავისი მიღწევებით. იგი კარგი სწავლითა და ყოფაქცევით გამორჩეული მოსწავლეა. ქებისა და მადლობის ღირსია დაუღალავი შრომისა და ამ დიდი შედეგისთვის“, - აღნიშნულია სკოლის მიერ გავრცელებულ ინფორმაციაში.