ლაგოდეხის მუნიციპალიტეტის სოფელ ჰერეთისკარის საჯარო სკოლის დირექტორი მარინა ნანდოშვილი-წიქარიშვილი გამორჩეული შემოქმედებითი ნიჭით გამოირჩევა, გარდა იმისა, რომ ის გახლავთ წარმატებული ხელმძღვანელი და სახვითი და გამოყენებითი ხელოვნების, დაწყებითი კლასების მასწავლებელი შთამბეჭდავ ნამუშევრებს ქმნის.
7 ოქტომბერს, ლაგოდეხის მუზეუმის საგამოფენო დარბაზში მარინა ნანდოშვილი-წიქარიშვილის პერსონალური ნამუშევრების გამოფენა მოეწყო.
გამოფენაზე წარმოდგენილი იყო მისი ბავშვობისდროინდელი და შემდგომი პერიოდის გრაფიკული და ფერწერული ნამუშევრები, ხელნაკეთი სანათი ნივთები, ნაქარგები, ფოტოსურათები და აქსესუარები.
სალონურმა საღამომ დიდი დაინტერესება გამოიწვია.
აღსანიშნავია, რომ გამოფენა ლაგოდეხის მუზეუმში ერთი თვის განმავლობაში გაგრძელდება და დაინტერესებულ დამთვალიერებლებს მარინა ნანდოშვილი თავად უმასპინძლებს მუზეუმის ადმინისტრაციასთან ერთად.
