საქართველოს საპატრიარქოს წმიდა თამარ მეფის სახელობის გიმნაზიაში არაერთი წარმატებული მოსწავლე სწავლობს, რომელთა მიღწევები სასკოლო საზოგადოებისთვის საამაყოა.
მათ შორისაა, თაზო კაბულაშვილი, რომელიც ავიაციის მიმართ განსაკუთრებული ინტერესით გამოირჩევა. მისი მიზანია გახდეს წარმატებული და ცნობილი პილოტი. ამ მიზნის მისაღწევად კი ბევრს შრომობს და სწავლობს. მისი, ინიციატივით, ახალგაზრდული საავიაციო მოძრაობა Young Wings შეიქმნა. ორგანიზაციის მიზანია ახალგაზრდებში ავიაციის პოპულარიზაცია.
ის აქტიურად აგრძელებს მოზარდების ჩართულობასა და ინტერესის გაზრდას ავიაციის სფეროში.
ცოტა ხნის წინ, თაზოზე სტატიები გამოაქვეყნა ჟურნალმა Entrepreneur Georgia-მ და განათლების სამინისტროს ახალმა პორტალმა, სადაც დეტალურადაა წარმოდგენილი მისი მისია - ავიაციის პოპულარიზაცია ახალგაზრდებში.
ასევე, თაზომ დაიწყო თანამშრომლობა საქართველოს საავიაციო უნივერსიტეტთან, რათა ერთობლივად განახორციელონ საგანმანათლებლო ინიციატივები და ფორუმი „Callsign: 1919”, რომელიც ქართული ავიაციის განვითარების ისტორიას და მომავალს ეძღვნება.
იხილეთ ფოტოები:
