ნინოწმინდის N1 საჯარო სკოლის პედაგოგი გაიანე მარკოსიანი მოსწავლეთა აღზრდა-განათლების საქმეს არაერთი წელია ღირსეულად ემსახურება. 

პროფესიული მოღვაწეობის მანძილზე არაერთი ჯილდო აქვს მიღებული. ახლახან კი, სამცხე-ჯავახეთის სახელმწიფო რწმუნებულის პირველმა მოადგილემ გიორგი ქოჩიაშვილმა, ნინოწმინდის მუნიციპალიტეტის მერთან, ანივარდ მოსოიანთან ერთად ღვაწლმოსილი პედაგოგი მადლობის სიგელით დააჯილდოვა. 

პედაგოგების დაჯილდოების საზეიმო ღონისძიება, ნინოწმინდის კულტურის ცენტრში მასწავლებლის ეროვნული პრემიის ფარგლებში გაიმართა. ადგილობრივი ხელისუფლების წარმომადგენლებმა პედაგოგებს, წლების განმავლობაში განათლების სფეროს განვითარებაში შეტანილი წვლილისთვის მადლობა გადაუხადეს.

გაიანე მარკოსიანი ბოგდანოვკის რაიონის სოფელ ჟდანოვში, პედაგოგების ოჯახში დაიბადა. დაამთავრა ლენინაკანის N33 მათემატიკის მიმართულების საშუალო სკოლა, შემდეგ ხ. აბოვიანის სახელობის პედაგოგიური ინსტიტუტის ფილოლოგიის ფაკულტეტი, სწავლის დასრულების შემდეგ კი დღემდე მოსწავლეთა აღზრდა-განათლებას ემსახურება. სკოლაში მუშაობის პარალელურად 1993-2000 წლებში მუშაობდა თბილისის ეროვნული უნივერსიტეტის ნინოწმინდის ფილიალში („გაენათი“), სადაც მიენიჭა დოცენტის წოდება.

ორჯერ არჩეული იყო სკოლაში სამეურვეო საბჭოს თავმჯდომარედ. პედაგოგიური მოღვაწეობის პერიოდში მიღებული აქვს  მრავალი დიპლომი და სიგელი. პედაგოგი სკოლის დირექტორმაც დააჯილდოვა, როგორც „საუკეთესო დამრიგებელი“. 

პედაგოგი პროფესიულ განვითარებაზე ზრუნავს, აქვს უფროსი მასწავლებლის სტატუსი. წარმატებით დაასრულა ზურაბ ჟვანიას სახელობის სახელმწიფო ადმინისტრირების სკოლა.

პედაგოგის შესახებ ერთ-ერთმა მედიაგამოცემამ სიუჟეტი მოამზადა