14 ოქტომბერი უქმე დღეა - სკოლების ნაწილი 13-შიც ისვენებს
12-10-2025
14 ოქტომბერს მცხეთობა, სვეტიცხოვლობა, იგივე კვართის დღესასწაული აღინიშნება. სვეტიცხოვლობის დღესასწაული დაწესებულია საქართველოს მართლმადიდებელი ეკლესიის მიერ და ოფიციალურ უქმე დღედაა გამოცხადებული.
აქედან გამომდინარე, სამშაბათს საჯარო სკოლები და ბაღები ისვენებს, რაც შეეხება კერძო საგანმანათლებლო-სააღმზრდელო დაწესებულებებს, ხელმძღვანელობა დასვენების დღეების შესახებ გადაწყვეტილებას, თავად იღებს.
როგორც etaloni.ge-ს მიაწოდეს ინფორმაცია, კერძო სკოლების ნაწილში არც 13 ოქტომბერს იქნება სწავლა; თუმცა აღნიშნული საჯარო სექტორის სასკოლო საზოგადოების წარმომადგენებს არ ეხებათ.
სკოლების სიახლეები
