დმანისის მუნიციპალიტეტის სოფელ ირგანჩაის საჯარო სკოლის დირექცია და პედაგოგები მოსწავლეთა მოტივაციაზე აქტიურად ზრუნავენ.
ამის ნათელი მაგალითია მოსწავლეთა საზეიმო მიღებაც. სათხუთმეტსექტემბროდ სკოლა საგანგებოდ მოემზადა და მოსწავლეებს სასწავლო წლის დასაწყისი ზეიმად უქცია.
პირველკლასელებისთვის პირველი დღის გალამაზებაზე იზრუნა სკოლის დაწყებითი კლასების გამოცდილმა პედაგოგმა, ნონა სელიმაშვილმა. მზრუნველი და მოსიყვარულე პედაგოგი მოსწავლეებს საკლასო ოთახში შეუძღვა, სადაც პატარებს, საზეიმოდ მორთული სივრცე და ფერადი ბუშტები ელოდათ.
მოსწავლეებს სასწავლო პროცესის განახლება მიულოცა სკოლის დირექტორმა, შაქირ ჩერპანოვმა და ცოდნის მწვევალების დაპყრობა უსურვა. დირექტორმა, ასევე დიდი სიყვარულით მიმართა ყველაზე პატარებს - პრველკლასელებს და სასკოლო ცხოვრების პირველი ნაბიჯები დაულოცა.
იხილეთ ფოტოები:
