წალკის მუნიციპალიტეტის სოფელ საყდრიონის საჯარო სკოლის მე-2 კლასელებისთვის სასწავლო პროცესი შემეცნებითთან ერთად, სახალისო და თავშესაქცევია.
ახლახან, ბავშვებმა ქართულ ენაში „პინოქიოს თავგადასავალი“ გაიარეს, რომელიც მათთვის მეტად საინტერესო აღმოჩნდა.
ზღაპრის ერთ-ერთი თავის შესწავლისას პედაგოგმა მოსწავლეებს როლური თამაში შესთავაზა. პატარებმა ზღაპრის გმირთა როლები მოირგეს და უკეთ გაიაზრეს ნაწარმოების მთავარი სათქმელი.
„ჩემმა ყოჩაღებმა მოირგეს პერსონაჟების როლი და განასახიერეს ისინი. დაკვირვება მოხდა აზროვნებაზე, პატივისცემის და მადლიერების დაფასებაზე, პასუხისმგებლობაზე, და ყველაზე ძვირფასის დაფასებაზე. მოსწავლეებმა გააანალიზეს ყველა პერსონაჟის როლი და შეადარეს თავიანთ ნააზრევს“, - ამბობს პედაგოგი და ახარებს მოსწავლეთა სასწავლო შემართება და შემოქმედებითობა.
იხილეთ ფოტოები:
