ქვედა ნაგვაზაოს საჯარო სკოლის ეკოკლუბი მასშტაბურ გარემოსდაცვით კონკურსში წარმატებული მონაწილეობისთვის საპატიო სიგელით დაჯილდოვდა
30-09-2025
თედო ჯღარკავას სახელობის მარტვილის მუნიციპალიტეტის სოფელ ქვედა ნაგვაზაოს საჯარო სკოლის მოსწავლეები მაღალი ეკოპასუხისმგებლობით გამოირჩევიან. სკოლაში ორი წელია მუშაობს ეკოკლუბი - „ეკო-თაობა“, რომლის მიზანია გარემოს დაცვა და ბუნებრივი რესურსების რაციონალური გამოყენება და სასკოლო საზოგადოების ეკოცნობიერების ამაღლება.
კლუბის ხელმძღვნელი გახლავთ ბიოლოგიის მასწავლებელი მზია დანელია, ხოლო კლუბის ლიდერი - მე-11 კლასის მოსწავლე მარიამ ჯღარკავა.
წელს, ეკოკლუბი აქტიურად იყო ჩართული მასშტაბურ გარემოსდავით კონკურსში - „ნიკო კეცხოველის სასკოლო პრემია“, რომლის ფარგლებში ეკოკლუბელებმა არაერთი ეკოაქტივობა განახორციელეს.
კლუბი კონკურსის ნახევარფინალისტი გახდა. 26 სექტემბერს ჩატარდა ფინალური შეხვედრა, სადაც „ეკო-თაობა“ საპატიო სიგელით დაჯილდოვდა.
სკოლების სიახლეები
