
ყაზბეგის მუნიციპალიტეტის სოფელ გუდაურის საჯარო სკოლის მოსწავლეები მაღალი გარემოსდაცვითი პასუხისმგებლობით გამოირჩევიან და ეკოაქტივობებში დიდი მონდომებით მონაწილეობენ.
წელს, სკოლის ეკოკლუბი ჩართული იყო მასშტაბურ გარემოსდაცვით კონკურსში - „ნიკო კეცხოველის სასკოლო პრემია“. კონკურსის ფარგლებში კლუბმა არაერთი აქტივობა თუ ღონისძიება განახორციელა და პრემიის ფინალში საპატიო ადგილიც დაიმსახურა.
სკოლაში წარმატება ახარებთ და კვლავ არაერთ გარემოსდაცვით აქტივობას გეგმავენ.
„ჩვენთვის ამ გრანდიოზული პროექტის ფინალში მონაწილეობა უკვე ძალიან დიდი წარმატებაა. მადლობა მოსწავლეებს, სკოლას, გუნდის თითოეულ წევრს გაწეული შრომისა და თანადგომისთვის...“,- აღნიშნავენ სკოლაში.
იხილეთ ფოტოები: