თბილისის სკოლა „ცოდნაში ახალი სასწავლო წელი საზეიმოდ დაიწყო.
მოსწავლეები სკოლაში დაბრუნდნენ სიხარულითა და დადებითი ემოციებით სავსენი, განსაკუთრებული ღელვითა და აღფრთოვანებით გამოირჩეოდნენ ყველაზე პატარა ცოდნელები - პირველკლასელები, რომლებმაც განათლების გზაზე პირველი ნაბიჯები გადადგეს.
ამავე დღეს სკოლას მნიშვნელოვანი თარიღიც ჰქონდა - „ცოდნა“ 30 წლის გახდა!
იუბილე აღინიშნა საზეიმო და მხიარულ გარემოში.
ანიმატორების მონაწილეობით გაიმართა გასართობი პროგრამა, რომელიც განსაკუთრებულად დაუვიწყარი აღმოჩნდა პატარა თუ დიდი მოსწავლეებისთვის.
ღონისძიებაზე სიტყვით გამოვიდა სკოლის დირექტორი - ნაზი ნადირაძე, რომელმაც მოსწავლეებს ახალი სასწავლო წლის დაწყება მიულოცა, წარმატებები უსურვა და განსაკუთრებული თბილი სიტყვები მიუძღვნა სკოლა „ცოდნას“ პირველკლასელთა 30-ე თაობას.
ეს დღე სავსე იყო თამაშებითა და მეგობრული განწყობით - სწორედ ისეთით, როგორიც სკოლა „ცოდნას“ შეეფერება.
სკოლაში სასწავლო პროცესის განახლებას სასკოლო საზოგადოებას კიდევ ერთხელ ულოცავენ და ნაყოფიერ აკადემიურ წელს უსურვებენ.
„გისურვებთ ყველას წარმატებულ, ნაყოფიერ და შთამაგონებელ ახალ სასწავლო წელს“,- აღნიშნავენ სკოლაში.
იხილეთ ფოტოები:
