მარტვილის მუნიციპალიტეტის სოფელ დიდი ჭყონის N1 საჯარო სკოლა მოსწავლეებს ხარისხიან განათლებას აძლევს და მნიშვნელოვანი წვლილი შეაქვს ერუდირებული საზოგადოების ფორმირებაში. 

სკოლა დაჯილდოებულია საზოგადოებისა და განათლების სისტემაში შეტანილი განსაკუთრებული წვლილისთვის. მადლობის სიგელი ზოგადსაგანმანათლებლო დაწესებულებას მარტვილის მუნიციპალიტეტის მერმა და საგანმანათლებლო რესურსცენტრის უფროსმა 2024 წელს მიანიჭეს. 

სკოლის ისტორიაში ეს აღსანიშნავი მოვლენა მთელი სასკოლო საზოგადოებისთვის საამაყოა. სიგელი კი წარმოადგენს ერთგვარ სიმბოლოს იმ ღვაწლისა და დაუღალავი შრომისა, რასაც სკოლის გუნდი ყოველდღიურად დებს მომავალი თაობის განათლებაში.