ახალქალაქის მუნიციპალიტეტის სოფელ ბარალეთის N1 საჯარო სკოლაში 2025-2026 სასწავლო წლის პირველი ზარი საზეიმოდ დაირეკა.
დღის მთავარი გმირები ტრადიციულად პირველკლასელები იყვნენ, რომელთა დასახვედრად სკოლაში გამორჩეულად მოემზადნენ. პირველი კლასის დამრიგებლის - გალია ბადასიანის ხელმძღვანელობით, უფროსკლასელებმა პატარებს ლამაზი ღონისძიება მიუძღვნეს.
ლამაზმა საზეიმო ნომრებმა, ცეკვა-სიმღერამ და სახალისო აქტივობებმა პირველკლასელებს დაუვიწყარი ემოციები აჩუქა და სასკოლო ცხოვრების დაწყებით გამოწვეული მღელვარება სიხარულად უცია. ღონისძიებას პატარებიც შეუერთდნენ, მათაც შეასრულეს მუსიკალური ნომრები, წარმოთქვეს ლექსები და დამსწრე საზოგადოების მხურვალე აპლოდისმენტები დაიმსახურეს.
სკოლის დირექტორმა ლენა კარაპეტიანმა დიდი სითბოთი მიიღო პირველკლასელები, რომელთაც საზეიმოდ გადასცა კომპიუტერები. სკოლის ხელმძღვანელმა პატარებს სასკოლო ცხოვრების დაწყება მიულოცა და ცოდნის მწვერვალების დაპყრობა უსურვა.
იხილეთ ფოტოები:
