
ამბროლაურის მუნიციპალიტეტის საჯარო სკოლების 2024-2025 სასწავლო წლის ოქროსა და ვერცხლის მედალოსან კურსდამთავრებულებს ფულადი ჯილდო გადაეცათ.
დაჯილდოვდნენ ამბროლაურის N2, ნიკორწმინდისა და პატარა ონის საჯარო სკოლების მედალოსანი კურსდამთავრებულები.
500-ლარიანი ფულადი ჯილდო გადაეცა ამბროლაურის N2 საჯარო სკოლის 6 მოსწავლეს: ანა გელაშვილს, საბა გოგილიძეს, ნინი გოგოლაძეს, კესო შარაბიძეს, დავით ცაგურიშვილს და ნიკოლოზ ყრუაშვილს.
ასევე, 500 ლარი გადაეცა ნიკორწმინდის საჯარო სკოლის ორ კურსდამთავრებულს: ელენე გეგეშიძესა და გიორგი გურგენიძეს.
300 ლარით კი დაჯილდოვდნენ პატარა ონის საჯარო სკოლის კურსდამთავრებულები: თამარ შავლაძე და ნინო თედორაშვილი.
მოსწავლეთა წარმატება სკოლებისთვის განსაკუთრებით საამაყოა, მათი წახალისება კი სასიხარულო.