ქუთაისის N5 საჯარო სკოლაში შემოდგომასავით ბარაქიანი და ფერადი ახალი სასწავლო წელი საზეიმოდ დაიწყო.
მოსწავლეთა ჟრიამულით აივსო დერეფნები, საკლასო ოთახები.
სკოლის დირექტორმა - ია პაიჭაძემ, მოადგილე ქეთევან გველესიანმა და მასწავლებლებმა მიულოცეს მოსწავლეებსა და მშობლებს ახალი სასწავლო წლის დაწყება.
წარჩინებული მოსწავლეები დაჯილდოვდნენ სიგელებით. პროექტებსა და არაფორმალურ განათლებაში აქტიური მონაწილეობისათვის მასწავლებლებს და კლასებს მადლობის სიგელები გადაეცათ.
ამ დღეს, სკოლაში კურსდამთავრებულებსაც უმასპინძლეს. ახალგაზრდები ამ ღისშესანიშნავ დღეს მშობლიურ სკოლას ესტუმრნენ და მადლობა გამოხატეს იმ ზრუნვისა და თანადგომისათვის, რაც სკოლამ გამოიჩინა მათ მიმართ და უნივერსიტეტის კარები ფართოდ გაუღო.
განსაკუთრებული და ამაღლებული იყო პირველკლასელებთან შეხვედრა, რომელთაც „კარლსონი" მიესალმა და გაამხიარულა და გაამხნევა.
„ფეხბედნიერი იყოს ახალი სასწავლო წელი მთელი საქართველოსა და მე-5 საჯარო სკოლისათვის“,- აღნიშნავენ სკოლაში და ახალ სასწავლო წელს დიდი შემართებითა და დიადი სასწავლო მიზნებით იწყებენ.
იხილეთ ფოტოები:
