
მარტვილის მუნიციპალიტეტის სოფელ ნახუნაოს საჯარო სკოლა სასწავლო პროცესის განახლებას სრული მზადყოფნით შეხვდა.
მოსწავლე-მასწავლებლებმა 2025-2026 სასწავლო წელი დიადი სასწავლო მიზნებითა და გეგმებით დაიწყეს.
სასკოლო საზოგადოებას სიტყვით მიმართა სკოლის დირექტორმა - გერასიმე კიკალიშვილმა და ბევრი ნაყოფიერი და სასიხარულო დღე უსურვა, მოსწავლეების კი სწავლისა და წინსვლისკენ მოუწოდა.
ღონისძიებაზე მოსწავლე-მასწავლებლებმა ერთად ილოცეს სკოლის 2024-2025 სასწავლო წლის კურსდამთავრებულის - ლუკა ცანავას გადასარჩენად, რომელიც, როგორც მოგვანებით გახდა ცნობილი, უბედური შემთხვევის გამო გარდაიცვალა.
სკოლაში, კიდევ ერთხელ ღრმა მწუხარებას გამოთქვამენ კურსდამთავრებულის გარდაცვალების გამო და უსამძიმრებენ ოჯახსა და ახლობლებს.
ფოტოების ავტორი: დავით პირტახია.