შეფასებისა და გამოცდების ეროვნული ცენტრის ხელმძღვანელმა, ნინო წერეთელმა სატელევიზიო ეთერში 2026 წლის გამოცდებზე ისაუბრა, განმარტა, იცვლება თუ არა ტესტირების ფორმატი და დაასახელა ის საგნები, რომელთა ჩაბარებაც სავალდებულო იქნება ყველა აბიტურიენტისთვის.

წერეთელმა და ხაზგასმით აღნიშნა, რომ მომავალ წელს ეროვნულები იდენტურ ფორმატში ჩატარდება, როგორც 2025-ში: „მომავალ წელს ერთიანი ეროვნული გამოცდები იგივენაირად ჩატარდება, როგორც წლები ვატარებდით. ფორმატს ცვლილება არ შეეხება“.

NAEC-ის ხელმძღვანელმა ასევე განმარტა, რომ აპლიკანტები კვლავ ორ სავალდებულო, არჩევით სავალდებულო და არჩევით საგანს ჩააბარებენ:

„გვაქვს ორი სავალდებულო საგანი - ქართული და უცხოური ენა, ასევე არჩევითი სავალდებულო საგნები, არჩევითი საგანი“.